Barcelona ayaa isha ku haysa saxiixa xiddiga garabka uga ciyaara Bayern Munich Leroy Sané marka uu dhamaado qandaraaskiisa,
Waxaa lagu soo waramayaa in Blaugrana lagu wargeliyay 29-sano jirkaan inuu beeca xorta ah ku heli karo xagaaga ka dib markii uu burburay wadahadaladii qandaraaska cusub ee Allianz Arena, waxaana la rumeysan yahay inuu ku jiro radarkooda iyagoo bilaabaya qorshayaal ay ku xoojinayaan weerarkooda. Sané, oo horay loola xiriirinayay Barça ka dib markii uu ka hoos shaqeeyay tababare Hansi Flick, ayaa qaab ciyaareed fiican ku jira xilli ciyaareedkan, isagoo si toos ah uga qayb qaatay 15 gool 28 kulan oo Bundesliga ah, iyadoo kooxaha Premier League ay sidoo kale xiiseynayaan.
-Wadahadal ayaa dhexmaray Manchester United iyo wakiilada weeraryahanka amaahda ku jooga Galatasaray Victor Osimhen, sida ay qortay Foot Mercato. 26-sano jirkaan oo la filayo inuu ka tago Napoli marka uu ku soo laabto xagaaga, ayaa la sheegay in loo arko inuu yahay dookh adag oo uu ka bedeli karo Viktor Gyökeres ee Sporting CP, Red Devils ayaana loo sheegay inuu u furan yahay inuu u wareego Old Trafford isagoo mushaar ahaan u qaadan doona 12 milyan euro xilli ciyaareedkii. Dalab qiimihiisu ka badan yahay €75m ayaa lagu soo waramayaa in loo baahan yahay in la soo dajiyo.