Ra’iisul wasaaraha Canada Mark Carney ayaa sheegay in dalkiisu “waligiis” uusan u hogaansami doonin Mareykanka isagoo ku dhawaaqay inuu ku guuleystay doorashooyin federaal ah horaantii Talaadada, ka dib olole ay hadheeyeen daandaansi aan joogsi lahayn iyo canshuuro ganacsi oo adag oo uu soo rogay madaxweynaha Mareykanka Donald Trump.
Hogaamiyaha xisbiga Liberalerna ayaa canaan yaab leh u jeediyay Trump markii uu farriin midnimo u dirayay ummad kala qaybsantay, isagoo u ballan qaaday “inuu matalo qof kasta oo Canada ugu yeera gurigiisa.”
“Sida aan ka digayay bilo, Maraykanku wuxuu rabaa dhulkeena, kheyraadkeena, biyahayaga, dalkeena. Laakiin kuwani maaha hanjabaado aan shaqaynayn. Madaxweyne Trump wuxuu isku dayayaa inuu na jebiyo si Maraykanku noo yeesho,” Carney ayaa sidaas yidhi, isaga oo amaanay dib-u-celinta cajiibka ah ee nasiibka xisbigiisa. “Taasi weligeed dhici mayso.”